_edited_edited.png){kind=logo}
SÉCHERHEET
HOME / EIS SERVICER / SÉCHERHEET
━ SÉCHERHEET
VERSTÄNDNIS A SCHUTZ VIRU PHISHING, SPAM, VIREN AN RANSOMWARE.
D'wäitverbreet Notzung vum Internet huet vill positiv Entwécklunge mat sech bruecht, mee leider och nei Risiken, besonnesch Phishing, eng Form vu Cyberkriminalitéit, déi an de leschte Joere staark zougeholl huet. Phishing ziilt dorop of, Identitéiten ze klauen an illegal Kontroll iwwer d'Konte vun de Benotzer ze iwwerhuelen. Am Joer 2022 goufen iwwer 255 Millioune Phishing-Ugrëff registréiert, wat eng Erhéijung vun 61 % géintiwwer dem Virjoer ass.
⮕ PHISHING: "De Meeschter vun der Täuschung": Phishing-Attacke benotze meeschtens bekannt Marken, wéi Netflix oder Amazon, fir Vertrauenswürdegkeet virzeginn an d'Benotzer an d'Fal ze lackelen. Dës trügeresch E-Maile kënnen dozou féieren, datt vertraulech Date geklaut ginn an enorm finanziell Verloschter entstoen. A Lëtzebuerg ginn och lokal Marke wéi BCEE, Post.lu, Evonos an anerer imitéiert, souwuel an E-Mailen wéi och an SMSen. Messaging-Déngschter wéi WhatsApp a Facebook Messenger sinn och beléift Cibele fir Phishing-Versich.
⮕ SPAM: "Dat onsichtbart Netz": All Dag ginn op der ganzer Welt bis zu 282,93 Milliarde Spam-E-Maile verschéckt. Si ginn sech aus als harmlos Noriichten, mee dohannert stieche Falen. Vu Reklamme bis zu täuschenden Offere – Spam ass eng onophaltsam Flut, déi Postkëschten iwwerschwemmt an Notzer an d'Ierféierung féiert. Haalt d'Aen op, well hannert all Klick kéint eng Fal laueren.
⮕ MALWARE: "Den heemlechen Ugräifer": Malware verstoppt sech dacks als harmlos Software, fir onbemierkt a Computersystemer anzegräifen. Bal d'Hallschent vun all de béisaartegen Dateien, déi am E-Mail-Phishing benotzt ginn, sinn Office-Dateien, dat sinn ëm 48%. Dës Bedruchssoftware kann Daten zerstéieren, sensibel Informatioune klauen an onberechenbare Schued verursaachen. Et ass dofir héichst Virsiicht gebuede bei all Download!
⮕ Ransomware-Attack: "D'Digital Geisel": Ransomware, eng heefeg Zort vun Cyberattack, ass wäit verbreet a stellt e bedeitenden Deel vun allen Ugrëffer duer. Cyberkrimineller benotzen dës Bedruchssoftware, fir Donnéeën ze verschlësselen an dono Léisegeld vun de Betraffenen ze verlaangen. Dat stellt eng eescht Bedroung duer, besonnesch fir Geschäfter a grouss Organisatiounen. Am Fall vun esou engem Ugrëff, kann dat fir all Benotzer ganz besuergneserreegend sinn, awer besonnesch de Geschäftsberäich ass staark gefäerdet.
Mam noutwennegem Wëssen an de richtegen Applikatiounen, sidd Dir effektiv géint déi droend Gefore vum Cyberspace gewappnet a kënnt Iech a Rou ëm déi Sache këmmeren, déi Iech wichteg sinn.
Zéckt net, eis ze kontaktéieren, wann Dir weider Informatioune wëllt. Mir stinn Iech zur Säit fir déi passend Informatiounen ze fannen, déi Ären individuelle Bedürfnisser entspriechen.
GRONDLEEËND ASTELLUNGE FIR ÄR SÉCHERHEET
ANTIVIRUS & MALVARE
Op Apple oder PC ass keng Immunitéit géint Malware garantéiert. Mir sinn do, fir Iech bei der Auswiel an der Installatioun vun der optimaler Antivirus- an Malware-Software ze ënnerstëtzen, déi am beschten op Är individuell Bedierfnisser ofgestëmmt ass. Mir weisen Iech och, wéi der Pishing-Mails, SMSen a Säiten einfach erkennt an Iech schützen kënnt. Mir këmmeren eis ëm d'Sécherheet vun Ären Apple-Geräter, sou dass Dir Iech op dat Weesentlecht konzentréiere kënnt an Iech net duerch den Dschungel vun den Applikatioune kämpfe musst.
PHISHING
Phishing-Attacke sinn eng raffinéiert Bedroung, well se net op Malware baséieren, mee op gefälschte Messagen, déi sech als vertrauenswürdeg Quelle wéi z.B. CCSS, Evonos, Post, Amazon oder Netflix ausginn. Dës Attacken notzen net nëmmen iwwerzeegend realistesch Websäiten, mee och ausgeklügelt Täuschungstaktiken, fir Benotzer ze verleeden, hir perséinlech Daten unzeginn, sou datt Krimineller Zougang op Är sensibel Informatioune kréie kënnen. Wichteg ass, datt déi meescht Phishing-Attacken, trotz hirer Raffiness, awer relativ einfach ze erkenne sinn, wann een déi richteg Opklärung huet an iwwer dat néidegt Wësse verfüügt, fir sech ze schützen.
2FA-AUTHENTIFIZÉIERUNG
Zwee-Faktor-Authentifizéierung, oft als 2FA bekannt, ass e weesentlecht Schutzschëld bei Phishing-Attacken a stellt eng bedeitend Barrière géint onberechtegt Zougrëff duer. Och wann een onverhofft op gefälscht Messagen eranfällt, bitt 2FA eng zousätzlech Sécherheetsschicht, déi weesentlech ass. Benotzer mussen net nëmmen e Passwuert aginn, mee och en zweete Faktor, wéi e Code, deen op hiren Handy geschéckt oder iwwert eng spezialiséiert App generéiert gëtt. Dëst mécht et fir Krimineller weesentlech méi schwiereg, u sensibel Informatiounen ze kommen, well se net nëmmen d'Passwuert, mee och de physeschen Apparat vum Benotzer brauchen.